ខេត្តបន្ទាយមានជ័យ៖ នាព្រឹកថ្ងៃទី១៨ ខែមេសា ឆ្នាំ២០១៩ ឯកឧត្តម សួន បវរ អភិបាល នៃគណៈអភិបាលខេត្តបន្ទាយមានជ័យ,ឯកឧត្ដម នាយឧត្តមសេនីយ៍ សុខ ភាព រដ្ឋលេខាធិការក្រសួងការពារជាតិ ឯកឧត្ដម គោ ស៊ុំសារឿត សមាជិករដ្ឋសភា បានអញ្ជើញជាអធិបតីក្នុងពិធី ប្រកាសតែងតាំងមុខតំណែងអភិបាល នៃគណៈអភិបាលក្រុងប៉ោយប៉ែត ដោយលោក គាត ហ៊ុល ចៅសង្កាត់ផ្សារកណ្ដាល ក្រុងប៉ោយប៉ែត ត្រូវបានចូលកាន់មុខតំណែងជាអភិបាល នៃគណៈអភិបាលក្រុងប៉ោយប៉ែត ខណៈដែលលោក សាន ស៊ាន ហូរ ចូលនិវត្តន៍។
សូមជម្រាបដែរថា ពិធីនេះប្រព្រឹត្តទៅនៅសាលាក្រុងប៉ោយប៉ែត ស្ថិតនៅភូមិផ្សារគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ដោយមានការអញ្ជើញចូលរួមពីគណៈអធិបតី មន្ត្រីរាជការ ព្រមទាំងប្រជាពលរដ្ឋ សិស្សានុសិស្ស យ៉ាងច្រើនកុះករផងដែរ ក្នុងនោះក៏មានការអញ្ជើញចូលរួមពីលោកអភិបាលស្រុកអារញ្ញប្រាថេត នៃប្រទេសថៃទៀតផង។