ព័ត៌មានកីឡា

MC កម្ពុជាគ្រោងធ្វើជាម្ចាស់ផ្ទះរៀបចំកម្មវិធីប្រកួត ROBOCON លក្ខណៈអន្តរជាតិ ជាផ្លូវការនៅថ្ងៃទី២៧ ខែសីហា ឆ្នាំ២០២៣ខាងមុខនេះ ដែលនឹង មានបេក្ខជនចូលរួមមកពី ១៦ ទៅ ១៧ ប្រទេស សរុបជាក្រុមប្រមាណ ២០ ក្រុម ហើយការប្រកួត មានរយៈពេលពេញ ១ថ្ងៃ។ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានថ្លែងឱ្យដឹងថា  ព្រឹត្តិការណ៍ដ៏សំខាន់នេះក្រសួង គ្រោងគោរពអញ្ជើញ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ធ្វើជាគណៈអធិបតីដ៏ខ្ពង់ខ្ពស់ ក្នុងកម្មវិធីបើកការប្រកួត ROBOCON លក្ខណៈអន្តរជាតិនេះ។ ក្នុងឱកាសអញ្ជើញចូលជួបសំដែងការសមជាមួយ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន នៅរសៀលថ្ងៃទី០៦ ខែកក្កដា ឆ្នាំ២០២២ នាទីស្តីការក្រសួងព័ត៌មាន លោក Tomohisa Arai ABU Robocon Deputy Secretariat Chief NHK Enterprises Inc.និងលោក តូម៉ូហ៊ីសា […]

ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ អញ្ជើញជាអធិបតី ពិធីបិទ សិក្ខាសាលាពិគ្រោះយោបល់ថ្នាក់ជាតិ ស្តីពីការទូតសេដ្ឋកិច្ចក្នុងគន្លងប្រក្រតីថ្មី” ដែលរៀបចំដោយក្រុមការងារសម្របសម្រួលការទូតសេដ្ឋកិច្ច នៃក្រសួងការបរទេស និងសហប្រតិបត្តិការអន្តរជាតិ ដោយមានការគាំទ្រពីមូលនិធិពិសេស នៃកិច្ចសហប្រតិបត្តិការសេដ្ឋកិច្ច រវាងបណ្តាប្រទេសមេគង្គ-ឡានឆាង នារសៀលថ្ងៃទី២៧ ខែមិថុនា ឆ្នាំ២០២២ នៅសណ្ឋាគារ Hyatt Regency Phnom Penh រាជធានីភ្នំពេញ និងមានការចូលរួមពីឯកឧត្តម វ៉ាង វិនធាន (Wang Wentian) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំកម្ពុជា និងឯកឧត្តម លោកជំទាវជាច្រើនរូបទៀត។

ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានក្រើនរម្លឹកដល់មន្ត្រីមន្ទីរព័ត៌មានខេត្តបន្ទាយមានជ័យ ឱ្យបន្តពង្រឹងកិច្ចសហការគ្នាឱ្យកាន់តែល្អបន្ថែមទៀត ដើម្បីជំរុញប្រសិទ្ធភាព ការងារនៃការផ្សព្វផ្សាយព័ត៌មានឱ្យកាន់តែបានល្អថែមទៀត។ ការក្រើនរម្លឹករបស់ឯកឧត្តមរដ្ឋមន្រ្តី នៅក្នុងឱកាសអញ្ជើញចុះជួបសំណេះសំណាលជាមួយមន្ត្រីរាជការ និងត្រួតពិនិត្យការងារប្រព័ន្ធផ្សព្វផ្សាយរបស់មន្ទីរព័ត៌មានខេត្តបន្ទាយមានជ័យ នៅព្រឹកថ្ងៃទី២៤ ខែមិថុនា ឆ្នាំ២០២២។ ក្នុងឱកាសនោះដែរ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានជំរុញណែនាំដល់ប្រព័ន្ធផ្សព្វផ្សាយបន្តចូលរួមផ្សព្វផ្សាយនូវព័ត៌មានពិត លុបបំបាត់នូវព័ត៌មានក្លែងក្លាយ ដូច្នេះមន្ត្រីព័ត៌មានទាំងអស់ត្រូវបង្កើនការយល់ដឹងបន្ថែមទៀត ក្នុងការផ្សព្វផ្សាយព័ត៌មានប្រកប ដោយភាពត្រឹមត្រូវ។ ឯកឧត្តម ក៏បានជំរុញដល់គ្រប់ប្រព័ន្ធផ្សព្វផ្សាយទាំងអស់ ត្រូវបន្តចូលរួមផ្សព្វផ្សាយនូវព័ត៌មានពិតឱ្យបានទូលំទូលាយ ត្រូវបង្កើនការយក ចិត្តទុកដាក់ការសរសេរផ្សព្វផ្សាយពីគោលជំហររបស់រាជរដ្ឋាភិបាល ក៏ដូចអាជ្ញាធរខេត្ត ស្រុក ក្រុង ពីសមិទ្ធផលស្នាដៃនានា ដែលរាជរដ្ឋាភិបាលសម្រេចបាននាពេលបច្ចុប្បន្នទៅកាន់ប្រជាពលរដ្ឋ។ ឯកឧត្តមរដ្ឋមន្រ្តី ក៏បានថ្លែងកោតសរសើរដល់មន្ត្រីរាជការ នៃមន្ទីរព័ត៌មានខេត្តបន្ទាយមានជ័យ ដែលបានខិតខំប្រឹង ប្រែងក្នុងការបំពេញការងារទៅតាមតួនាទី ជំនាញ របស់រាជរដ្ឋាភិបាល ក៏ដូចក្រសួង និងអាជ្ញាធរខេត្ត បានប្រគល់ឱ្យក្នុងការ បម្រើផលប្រយោជន៍សង្គមជាតិ និងបម្រើប្រជាពលរដ្ឋជាសំខាន់នោះ។ ឯកឧត្តម សេក សុខុម ទីប្រឹក្សាក្រសួង ព័ត៌មាន និងជាប្រធានមន្ទីរព័ត៌មាន ខេត្តបន្ទាយមានជ័យបានឱ្យដឹងថា ក្នុងឆមាសទី១ ឆ្នាំ២០២២នេះ […]

ថ្លែងក្នុងពិធីមិទ្ទិញអបអរសាទរខួបអនុស្សាវរីយ៍លើកទី៥៥ ថ្ងៃបង្កើតទំនាក់ ទំនងការទូតកម្ពុជា-វៀតណាម នៅទីក្រុងហាណូយ នៃសាធារណរដ្ឋសង្គមនិយមវៀតណាម កាលពីថ្ងៃទី២៤ មិថុនា លោកជំទាវកិត្តិសង្គហបណ្ឌិត ម៉ែន សំអន ក្នុងនាមរាជរដ្ឋាភិបាលកម្ពុជា និងក្នុងនាមសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍ថា ក្នុងរយៈពេល៥៥ ឆ្នាំកន្លងមក (២៤ មិថុនា ១៩៦៧-២០២២ ) ប្រទេសយើងទាំងពីរតែងតែជាមិត្តដ៏ស្និទ្ធស្នាល និងអ្នកជិតខាងដ៏ល្អ និងស្មោះត្រង់។ លោកជំទាវបានលើកឡើងថា យើងបានកសាងចំណងសាមគ្គីភាព មិត្តភាព និងសហប្រតិបត្តិការជាប្រពៃណីយ៉ាងជិតស្និទ្ធ និងបានរួមសុខរួមទុក្ខជាមួយគ្នា ក្នុងនាមជាបងប្អូនផង ជាយុទ្ធមិត្តផង និងជាអ្នកជិតខាងផង ដោយសម្រេច បានជោគជ័យយ៉ាងធំធេងក្នុងកិច្ចសហប្រតិបត្តិការលើគ្រប់វិស័យ។ លោកជំទាវឧបនាយករដ្ឋមន្រ្តីបានបញ្ជាក់ថា កាលពីសម័យសង្គ្រាម ប្រទេសយើងទាំងពីរបានកៀកស្មាគ្នា ប្រយុទ្ធតស៊ូ និងជួយឧបត្ថម្ភ គាំទ្រគ្នាទៅ វិញទៅមក ក្នុងបុព្វហេតុរំដោះប្រទេសជាតិពីនឹមអាណានិគមនិយម ដោយជោគជ័យ និងទទួលបាន ឯករាជ្យភាព អធិបតេយ្យភាព សេរីភាព និងការបង្រួបបង្រួមជាតិទាំងស្រុង។ លោកជំទាវកិត្តិសង្គហបណ្ឌិត ម៉ែន សំអន បានបន្តថា បច្ចុប្បន្ន […]

នៅរាត្រីថ្ងៃទី២៤ ខែមិថុនា ឆ្នាំ ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញថ្លែងសុន្ទរកថា ក្នុងព្រឹត្តិការណ៍ នៃកិច្ចសន្ទនាជាន់ខ្ពស់នៃថ្នាក់ដឹកនាំប្រ៊ីកបូក (BRICS Plus) ស្ដីពីការអភិវឌ្ឍសកល ក្រោមមូលបទ លើកកម្ពស់ភាពជាដៃគូអភិវឌ្ឍសកល សម្រាប់យុគ្គសម័យថ្មី ដើម្បីរួមគ្នាអនុវត្តរបៀបវារៈឆ្នាំ ២០៣០ សម្រាប់ការអភិវឌ្ឍប្រកបដោយចីរភាព។ ខាងក្រោមនេះ គឺជាសុន្ទរកថាទាំងស្រុងរបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ 

ឯកឧត្តម សុក ហៃ អភិបាលរងខេត្តកំពង់ធំលោក ប្រែង សាវុធ ប្រធានគណៈកម្មការរៀបចំការបោះឆ្នោតខេត្តកំពង់ធំ លោក លោកស្រីប្រធានមន្ទីរ ជុំវិញខេត្ត អភិបាល អភិបាលរងក្រុង/ស្រុក កងកម្លាំងទាំងបី និងសមាជិកសមាជិកាប្រមាណជាង៥០០នាក់អញ្ជើញចូលរួមក្នុងពិធីរៀបចំពិធីសន្និបាតសរុបការងារបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ថ្ងៃទី០៥ ខែមិថុនា ឆ្នាំ២០២២ ព្រឹកថ្ងៃទី២៤ ខែមិថុនា ឆ្នាំ២០២២ នៅភោជនីយដ្ឋានឡូវ គឹមសេង។ លោក ប្រែង សាវុធ ប្រធានគណៈកម្មការរៀបចំការបោះឆ្នោតខេត្តកំពង់ធំ បានឡើងធ្វើរបាយការណ៍សម្រាប់ខេត្តកំពង់ធំ ចែកជាក្រុង១ ស្រុក៨ ឃុំ/សង្កាត់ មានចំនួន៨១ មានភូមិចំនួន៧៦៥ភូមិ។ ប្រជាពលរដ្ឋមានឈ្មោះក្នុងបញ្ជីបោះឆ្នោតផ្លូវការឆ្នាំ២០២១ មានចំនួន៤៣១.៧៧៦នាក់ សរុបចំនួនការិយាល័យបោះឆ្នោតមានចំនួន១.១៤២ការិយាល័យ ចំនួនគណបក្សនយោបាយមាន១៣គណបក្សបានចុះបញ្ជី និងដាក់ឈ្មោះបេក្ខជនឈរឈ្មោះបោះឆ្នោតក្រុមប្រឹក្សាឃុំសង្កាត់អាណត្តិទី៥។ លទ្ធផលបណ្ដោះអាសន្នទទួលបាន អ្នកបានទៅបោះឆ្នោតចំនួន៣៣៥.១៩០នាក់ នៃឈ្មោះក្នុងបញ្ជីចំនួន៤៣១.៧៧៦នាក់ ត្រូវនឹង៧៧.៦៣%។ ចំពោះគណបក្សដែលទទួលបានអាសនៈរួមមាន÷១.គណបក្សប្រជាជនកម្ពុជាទទួលបានចំនួន២០៥.៨៨២សំឡេង ស្មើនឹង៤០៦អាសនៈ។ ២.គណបក្សភ្លើងទៀនទទួលបានចំនួន ៩៤.៣២៣សំឡេង ស្មើនឹង១៦៥អាសនៈ។ ៣.គណបក្សហ៊្វុនស៊ិនប៉ិចទទួលបានចំនួន១៦.២២៦សំឡេង ស្មើនឹង១២អាសនៈ។ ៤.គណបក្សប្រជាធិបតេយ្យមូលដ្ឋានទទួលបានចំនួន១.០៦៨សំឡេង ស្មើនឹង២អាសនៈ។ ថ្លែងនៅក្នុងកម្មវិធីនេះផងដែរឯកឧត្តម សុក ហៃ អភិបាលរងខេត្តកំពង់ធំបានមានប្រសាសន៍ថាក្នុងអំឡុងពេលនៃការអនុវត្តភារកិច្ចរៀបចំការបោះឆ្នោតរបស់ […]

រដ្ឋមន្ដ្រីក្រសួងព័ត៌មាន ថ្លែងថា អ្នកសារព័ត៌មាន មានតួនាទីសំខាន់ណាស់សម្រាប់ព្រឹត្តិការណ៍កីឡាស៊ីហ្គេម អាស៊ានប៉ារ៉ាហ្គេម ឆ្នាំ២០២៣ ដើម្បីផ្សព្វផ្សាយពីព្រឹត្តិការណ៍នេះឱ្យបានទូលំទូលាយ ដែលចូលរួមចំណែកធ្វើឱ្យកីឡានៅប្រទេសកម្ពុជាកាន់តែរីក ចម្រើន។ .. ថ្លែងក្នុងវេទិកាអ្នកសារព័ត៌ មាន ក្នុងដំណើរឆ្ពោះទៅការ ប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ ( 32th SEA GAMES ) នៅព្រះរាជាណាចក្រកម្ពុជា ដែលរៀបចំឡើងដោយគណៈកម្មា ធិការជាតិរៀបចំការប្រកួតកីឡាអាស៊ីអាគ្នេយ៍លើកទី ៣២ និងគណៈកម្មការព័ត៌ មាន និងផ្សព្វផ្សាយ បានធ្វើឡើងនៅព្រឹក ថ្ងៃទី២៣ ខែមិថុនា ឆ្នាំ២០២២ នាពហុកីឡដ្ឋានជាតិមរតកតេជោ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានមានប្រសាសន៍ថា ក្រសួងព័ត៌ មានកំពុងតែរៀបចំសហការជាមួយគណៈកម្មាធិការជាតិអូឡាំពិក រៀបចំជាសិក្ខាសា លា ដើម្បីផ្តល់ជាចំណេះដឹង និងបទពិសោធន៍ដល់ ពិធីករ ពិធីការិនី អ្នកអត្ថាធិប្បាយ និងអ្នកសរសេរព័ត៌មានកីឡា អាចសរសេរបានព័ត៌មានល្អស៊ីជម្រៅ ដើម្បីត្រៀមខ្លួនក្នុងដំណើរឆ្ពោះទៅការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ ដែលកម្ពុជា ធ្វើជាម្ចាស់ផ្ទះប្រកប ដោយគុណភាព។ ឯកឧត្តមរដ្ឋមន្រ្តីបានបញ្ជាក់ថា […]

សន្និបាតបូក សរុបវាយតម្លៃការងារអប់រំ យុវជននិងកីឡាខេត្តកំពង់ ឆ្នាំង ឆ្នាំសិក្សា២០២០- ២០២១ និងលើកទិសដៅការងារបន្ត ត្រូវបានបញ្ចប់និងធ្វើពិធីបិទ បន្ទាប់ពីបានដំណើរការអស់រយៈពេល២ថ្ងៃ ក្រោមអធិបតីភាពលោកស្រ៊ន សំឫទ្ធី អភិបាលរងខេត្តកំពង់ ឆ្នាំង និង លោក ស៊ឹមប្រឹមប្រធានមន្ទីរអប់រំយុវជននិង កីឡាខេត្តកំពង់ឆ្នាំង ព្រមទាំងមានការចូលរួមពីសំណាក់លោក លោកស្រីថ្នាក់ដឹកនាំមន្ទីរអង្គភាពជុំវិញខេត្ត ។ លោក ស៊ឹម ប្រឹម ប្រធាន មន្ទីរអប់រំយុវជននិងកីឡាខេត្តកំពង់ឆ្នំាង បានឱ្យដឹងថា សន្និបាតនាឆ្នាំនេះ ជាឱកាសដើម្បីបង្កើននូវប្រសិទ្ធភាពនៃការបំពេញការងារនិង គណនេយ្យភាព របស់អ្នកពាក់ព័ន្ធទាំងអស់ តាមរយៈការឆ្លុះបញ្ចាំង និង ពិភាក្សាអំពីវឌ្ឍនភាព បញ្ហាប្រឈម និងដំណោះស្រាយនានា ពាក់ព័ន្ធនឹងការរៀន បង្រៀន ព្រមទាំងការដឹកនាំ គ្រប់គ្រង អប់រំ ទាំងលើទិដ្ឋភាពគោល នយោបាយ និង ទិដ្ឋភាព សម្របសម្រួល និង ការអនុវត្តផ្ទាល់ ជាពិសេសបានធ្វើការពិភាក្សាលើកំណែទម្រង់ គឹ្រះស្ថានបណ្តុះបណ្តាលគ្រូ កំណែ ទម្រង់ការគ្រប់គ្រងសាលា រៀន លើកកម្ពស់វិធីសាស្រ្តបង្រៀន ស្របទៅនឹងបរិបទរៀន និងបង្រៀន […]

ភ្នំពេញ ថ្ងៃទី២២ ខែមិថុនា ឆ្នាំ២០២២–ការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេស ថ្នាក់ជាតិ ប្រចាំ២០២២ត្រូវបានប្រកាសបើកជាផ្លូវការហើយ នៅរសៀលថ្ងៃទី២២ ខែមិថុនា ឆ្នាំ២០២២ នៅសាកលវិទ្យាល័យភូមិន្ទភ្នំពេញ ក្រោមវត្តមានឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។ថ្លែងក្នុងការបើកការប្រកួតជាផ្លូវការនេះ ឯកឧត្តមរដ្ឋមន្ត្រីមានប្រសាសន៍ថា ក្រសួងបានរៀបចំគោលនយោបាយកីឡាជាតិ ស្តីពីការអភិវឌ្ឍវិស័យអប់រំកាយ និងកីឡា និងបានធ្វើកំណែទម្រង់ស៊ីជម្រៅការងារអប់រំ កាយ និងកីឡា ៤ចំណុចចម្បងៗ ដើម្បីលើកកម្ពស់វិស័យកីឡាឆ្ពោះទៅធ្វើម្ចាស់ផ្ទះ ស៊ីហ្គេម លើកទី៣២ឆ្នាំ២០២៣។ ចំពោះ៤ចំណុចសំខាន់ៗនេះ រួមមាន៖ ១.ការជួសជុលកែលម្អ និងកសាងហេដ្ឋារចនាសម្ព័ន្ធកីឡា ២. ការបណ្តុះបណ្តាលធនធានមនុស្ស ៣. ការកែលម្អរចនាសម្ព័ន្ធនៃការ ប្រកួត ៤. ការពង្រឹងសហព័ន្ធកីឡាជាតិ។ មិនតែប៉ុណ្ណោះក្រសួងអប់រំ យុវជន និងកីឡាក៏បានដាក់នូវកំណែទម្រង់ការប្រកួតកីឡាគ្រប់កម្រិតក្នុងការរៀបចំឱ្យមានគុណភាព មានលក្ខណៈជាហ្គេមដូចជា៖ ១-ការប្រកួតកីឡាសិស្សមធ្យមសិក្សាជ្រើសរើសជើងឯក ប្រចាំឆ្នាំ៤ប្រភេទកីឡាមកជាការប្រកួតកីឡាសិស្សមធ្យមសិក្សាថ្នាក់ជាតិលក្ខណៈ ហ្គេម (National School GAMES) ស្របតាមការប្រកួតកីឡាសិស្សអាស៊ាន (ASEAN School GAMES)។ ២-ការ ប្រកួតកីឡាឧត្តមសិក្សា […]