នៅថ្ងៃពុធ ៦រោច ខែស្រាពណ៍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី៦ ខែកញ្ញា ឆ្នាំ២០២៣ វេលាម៉ោង ១៤:៤៥ នាទីរសៀល, នៅទីក្រុងហ្សាការតា នៃសាធារណរដ្ឋឥណ្ឌូណេស៊ី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានជួបសម្ដែងការគួរសមជាមួយ ឯកឧត្តម លី ឈាង (Li Qiang) នាយករដ្ឋមន្ត្រីនៃសាធារណរដ្ឋប្រជាមានិតចិន។ ជាកិច្ចចាប់ផ្តើម, ឯកឧត្តម លី ឈាង បានសម្តែងនូវការអបអរសាទរយ៉ាងកក់ក្ដៅចំពោះ សម្ដេចធិបតី ដែលត្រូវបានជ្រើសតាំងជានាយករដ្ឋមន្ត្រី នៃព្រះរាជាណាចក្រកម្ពុជា សម្រាប់នីតិកាលទី ៧ នៃរដ្ឋសភា និង បានផ្តាំផ្ញើនូវការសួរសុខទុក្ខ និងក្ដីនឹករលឹកពីសំណាក់ ឯកឧត្តម ប្រធានាធិបតី ស៊ី ជីនពីង និង រូប ឯកឧត្តម ផ្ទាល់ ជូនចំពោះ សម្តេចតេជោ ប្រធានឧត្តមក្រុមប្រឹក្សាផ្ទាល់ព្រះមហាក្សត្រ ។ ជាមួយនឹងការថ្លែងអំណរគុណចំពោះការអបអរសាទរ, សម្តេចធិបតី […]
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ទទួលជួបពិភាក្សាការងារជាមួយលោកជំទាវបណ្ឌិត Devyani Khobragade ឯកអគ្គរដ្ឋទូតសាធារណរដ្ឋឥណ្ឌាប្រចាំព្រះរាជាណាចក្រកម្ពុជា លើការងារផ្សព្វផ្សាយព័ត៌មាន និងកិច្ចសហប្រតិបត្តិការរវាង ទូរទស្សន៍ជាតិកម្ពុជា ទីភ្នាក់ងារសារព័ត៌មានកម្ពុជា (AKP) ជាមួយនឹងទូរទស្សន៍ និងទីភ្នាក់ងារសារព័ត៌មានឥណ្ឌា នារសៀលថ្ងៃទី០៦ ខែកញ្ញា ឆ្នាំ២០២៣ នៅទីស្តីការក្រសួង រាជធានីភ្នំពេញ។ បន្ទាប់ពីជំនួបនោះ ឯកឧត្តមរដ្ឋមន្ត្រីក្រសួងព័ត៌មាន បានអញ្ជើញលោកជំទាវបណ្ឌិតឯកអគ្គរដ្ឋទូត ទៅពិនិត្យឈ្វេងយល់ពីការងារថែរក្សាហ្វីល និងរូបថត របស់ទីភ្នាក់ងារសារព័ត៌មានកម្ពុជា (AKP) និងស្វែងរកកិច្ចសហប្រតិបត្តិការលើការងារថែរក្សាហ្វីល និងរូបថតនេះផងដែរ។
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អនុញ្ញាតឱ្យលោក Sardar Umar Alam តំណាងអង្គការ UNESCO ប្រចាំនៅកម្ពុជា ចូលជួបសម្តែងការគួរសម និងពិភាក្សាការងារ ពាក់ព័ន្ធនឹងការពង្រឹងគុណភាពសារព័ត៌មាននៅកម្ពុជាដើម្បីផ្តល់ប្រយោជន៍ទៅដល់អ្នកអាន តាមរយៈការផ្តល់នូវការបណ្តុះបណ្តាលជំនាញនៃការសរសេរ ដែលជំនួបនេះធ្វើនៅទីស្តីការក្រសួង រាជធានីភ្នំពេញ នារសៀលថ្ងៃទី០៦ ខែកញ្ញា ឆ្នាំ២០២៣។
ឯកឧត្តម មីហ្គែល ឌីអាស-កាណែល ប៊ឺមូដេស (Miguel Díaz-Canel) ប្រធានាធិបតីនៃសាធារណរដ្ឋគុយបា បានអញ្ជើញឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីចូលរួមដោយផ្ទាល់ក្នុងកិច្ចប្រជុំកំពូលប្រមុខរដ្ឋ/រដ្ឋាភិបាល នៃក្រុមប្រទេស G-77 បូកចិន ស្ដីពីបញ្ហាប្រឈមនៃការអភិវឌ្ឍបច្ចុប្បន្ន នៅប្រទេសគុយបា នាខែកញ្ញាខាងមុខនេះ។ តាមរយៈសារលិខិតរបស់ឯកឧត្តមប្រធានាធិបតីគុយបា ដែលទីភ្នាក់ងារសារព័ត៌មានកម្ពុជាទទួលបាននៅថ្ងៃនេះ ឯកឧត្តមក៏បានសម្តែងនូវការអបអរសាទរជូនចំពោះឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ផងដែរ ដែលត្រូវបានជាប់ឆ្នោតជានាយករដ្ឋមន្ត្រីនៃព្រះរាជាណាចក្រកម្ពុជា និងជូនពរឯកឧត្តមនាយករដ្ឋមន្ត្រីថ្មី នៃកម្ពុជា ទទួលបានជោគជ័យក្នុងការបំពេញភារកិច្ចដ៏មានសារៈសំខាន់នេះ ជូនប្រជាជាតិកម្ពុជា។ ឯកឧត្តមប្រធានាធិបតី ក៏បានអះអាងនូវការប្តេជ្ញាចិត្តយ៉ាងមុតមាំរបស់គុយបាក្នុងការលើកកម្ពស់កិច្ចសន្ទនានយោបាយ ដើម្បីបន្តពង្រឹងទំនាក់ទំនងជាមិត្តភាព សាមគ្គីភាព និងកិច្ចសហប្រតិបត្តិការដ៏ជិតស្និទ្ធរវាងរដ្ឋាភិបាល និងប្រជាជនយើងទាំងពីរ ហើយឯកឧត្តមសង្ឃឹមថា ឯកឧត្តមកិត្តិទេសាភិបាលបណ្ឌិត នាយករដ្ឋមន្ត្រី នឹងអញ្ជើញទៅប្រទេសគុយបា ដើម្បីចូលរួមកិច្ចប្រជុំកំពូលដ៏មានសារៈសំខាន់នេះ។ គួរបញ្ជាក់ថា កិច្ចប្រជុំកំពូលប្រមុខរដ្ឋ/រដ្ឋាភិបាល នៃក្រុមប្រទេស G-77 បូកចិន ស្ដីពីបញ្ហាប្រឈមនៃការអភិវឌ្ឍបច្ចុប្បន្ន នឹងប្រព្រឹត្តទៅនាថ្ងៃទី១៥ និង១៦ ខែកញ្ញា ឆ្នាំ២០២៣ នៅរដ្ឋធានីហាវ៉ាណា។
រាជរដ្ឋាភិបាលកម្ពុជា បានដាក់ចេញយុទ្ធសាស្រ្តបញ្ចកោណ ដើម្បីពង្រឹងការអភិវឌ្ឍ ការធ្វើពិពិធកម្មសេដ្ឋកិច្ច និងការបង្កើនភាពប្រកួតប្រជែង សម្រាប់នីតិកាលទី៧ នៃរដ្ឋសភា ដើម្បីជំរុញកំណើនសេដ្ឋកិច្ច និងវឌ្ឍនភាពសង្គម។ ថ្លែងក្នុងកិច្ចប្រជុំពេញអង្គគណៈរដ្ឋមន្ត្រីលើកដំបូងនៃរាជរដ្ឋាភិបាលនីតិកាលទី៧ នៃរដ្ឋសភា នាថ្ងៃទី២៤ ខែសីហា ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា បានថ្លែងថា ដើម្បីពង្រឹងការអភិវឌ្ឍ ការធ្វើពិពិធកម្មសេដ្ឋកិច្ច និងការបង្កើនភាពប្រកួតប្រជែង ឆ្នាំ២០២៣ រាជរដ្ឋាភិបាលបន្តផ្តោតលើកិច្ចការអាទិភាព ចំនួន៥ រួមមានទី១ ការអភិវឌ្ឍ វិស័យគន្លឹះនិងប្រភពថ្មី នៃកំណើនសេដ្ឋកិច្ច ដែលមានគោលដៅយុទ្ធសាស្ត្រផ្តោតលើ ការពង្រីក និងការធ្វើពិពិធកម្មមូលដ្ឋាន កំណើនសេដ្ឋកិច្ច តាមរយៈការបង្កើនតម្លៃបន្ថែមក្នុងវិស័យគន្លឹះដែលមានស្រាប់ និង ការអភិវឌ្ឍប្រភពថ្មី នៃកំណើន ដែលជាកត្តាមិនអាចខ្វះបាន ក្នុងការបង្កើនសក្តានុពលកំណើន និង ការពង្រឹងភាពធន់នឹង វិបត្តិ។ ទី២ ការលើកកម្ពស់ការតភ្ជាប់ និង ការបង្កើនប្រសិទ្ធភាពនៃវិស័យដឹកជញ្ជូន និងឡូជីស្ទីក វិស័យថាមពល វិស័យទឹកស្អាត និងវិស័យឌីជីថលដែលមានគោលដៅយុទ្ធសាស្ត្រផ្តោតលើការបន្តកសាង និង ពង្រឹង មូលដ្ឋានគ្រឹះ និងបុរេលក្ខខណ្ឌគន្លឹះៗ សម្រាប់បង្កើនផលិតភាព លើកកម្ពស់ភាពប្រកួតប្រជែងនិងជំរុញ […]
