របាយកាណ៍ទូទៅ

សម្តេចតេជោ ហ៊ុន សែន នៅព្រឹកថ្ងៃទី ១២ ខែកុម្ភៈ ឆ្នាំ ២០២៣នេះ បានលើកឡើងតាមបណ្តាញសង្គមថា «មុននេះបន្តិចខ្ញុំបានឆ្លើយតបជាមួយឈ្មោះ Min Povទាក់ទងដល់វិទ្យុVODដូចមាន ខ្លឹមសារជូនភ្ជាប់មកជាមួយ។ ខ្ញុំកំពុងរង់ចាំចម្លើយពីគាត់វិញ។ ពេលនេះខ្ញុំសម្រេចកាត់បន្ថយពេលវេលា សូមទោសមកនៅត្រឹម២៤ម៉ោងគឺកំណត់ ត្រឹមម៉ោង10.00នាទីព្រឹកថ្ងៃ១៣កុម្ភះ ២០២៣វិញ។ ដើម្បីកុំឲ្យយប់យូរសុបិនច្រើននិងអន្ទន់វែងឆ្នាំងវែងខ្ញុំបញ្ជាឲ្យក្រសួងព័ត៌មានលុប ចោលអាជ្ញាបណ័បញ្ចប់ការផ្សាយរបស់ វិទ្យុVODត្រឹមម៉ោង10.00នាទីថ្ងៃទី១៣ កុម្ភះ២០២៣ស្អែកនេះក្នុងករណីដែលពួក គេមិនបានធ្វើការសូមទោស។ ដំបៅមិនឈឺកុំយកឈើចាក់។បើគង់តែពួកគេចោទថាខ្ញុំប្រើអំណាចខ្ញុំត្រូវតែប្រើអំណាចនេះដើម្បីបំពេញបំណងរបស់ពួកគេ។ ស្អែកនេះឯកឧត្តមប៊ិន ឈិននឹងត្រូវធ្វើជានាយករដ្ឋមន្ត្រីស្តីទីត្រូវធ្វើកិច្ចការនេះឲ្យបាន ព្រោះទាំងខ្ញុំសម្តេច ស ខេង ទៀ បាញ់លោកជំទាវម៉ែន សំអននឹងទស្សនកិច្ចនៅ ឡាវជាមួយគ្នា។

សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អនុញ្ញាតឱ្យក្រុមការងារត្រួតពិនិត្យរួមនៃក្រុមប្រទេសប៉ាស៊ីហ្វិក អំពីកិច្ចសហប្រតិបត្តិការអន្តរជាតិ (ICRG-JG) ដឹកនាំដោយលោកស្រី Mei-Lin Wang មន្ត្រីជាន់ខ្ពស់ផ្នែកវិភាគគោលនយោបាយ ចូលជួបសម្ដែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី១១ ខែមករា ឆ្នាំ២០២៣។

ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានមាន​ប្រសាសន៍​ជុំវិញបញ្ហាផ្ទះ និងដី របស់លោកគង៉ គាំ ថា តាមផ្លូវច្បាប់ ផ្ទះនិងដីនេះ នៅតែ​ជា​​កម្មសិទ្ធិរបស់ក្រសួងការបរទេស ហើយវាដល់ពេលដែលក្រសួងការបរទេស មានតម្រូវ​ការយកផ្ទះ និងដីនេះ ត្រឡប់មកវិញ ដើម្បីចាត់ចែងប្រើប្រាស់បម្រើឱ្យកិច្ចការ​របស់ក្រសួង​វិញ។ ​នៅលើផេកផ្លូវការ នារសៀលថ្ងៃទី ១១ ខែមករា ឆ្នាំ២០២៣ សម្ដេចតេជោ ហ៊ុន សែន បានសរសេរថា ខ្ញុំបានទទួលព័ត៌មានតាមហ្រ្វេសញូអំពីលិខិតរបស់លោក គង់ គាំ បំភ្លឺអំពីដំណើររឿងទាក់ទងនឹងដី និងផ្ទះដែលជាកម្មសិទ្ធិរបស់ក្រសួងការបរទេស។ សម្ដេច​តេជោបន្តថា ខ្ញុំទទួលស្គាល់ថា អ្វីដែលលោក គង់ គាំ បានរៀបរាប់ក្នុងលិខិតនោះ ភាគច្រើន ជាការពិត ពិសេស ត្រង់ចំណុចចុងក្រោយក្នុងលិខិតដែលលោក គង់ គាំ បញ្ជាក់​​យ៉ាងច្បាស់ថា «ខ្ញុំចាំថាពេលសម្រេចចិត្តចូលមករស់នៅក្នុងផ្ទះនេះ ខ្ញុំពិតជា​បាន​ជូន​ព័ត៌មានចំពោះលោករដ្ឋមន្រ្តី ដោយមិនអាចខ្វះការគួរសមនោះឡើយ ហើយលោករដ្ឋ​មន្រ្តីក៏​បានយោគយល់រហូតមក»។ សម្ដេចតេជោគូសបញ្ជាក់ថា ខ្ញុំពិតជាមានការ​យោគ​យល់ចំពោះស្នាក់នៅនៅផ្ទះរបស់ក្រសួងការបរទេស ប៉ុន្តែ ខ្ញុំពុំដែលបានសម្រេចប្រគល់​ផ្ទះ និងដីនោះឱ្យលោក គង់ គាំ […]

អ្នកសារព័ត៌មាន បានដើរតួនាទីយ៉ាងសំខាន់ក្នុងការផ្សព្វផ្សាយពីព្រឹត្តិការបោះឆ្នោតនៅកម្ពុជា ដើម្បីឱ្យប្រជាពលរដ្ឋបានជ្រាបមុននឹងសម្រេចចិត្តក្នុងការបោះឆ្នោតជ្រើសរើសមេដឹកនាំរបស់ខ្លួន។  ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ក្នុងសិក្ខាសាលាបណ្តុះបណ្តាលសារព័ត៌មាន ស្តីពី តួនាទីប្រព័ន្ធផ្សព្វផ្សាយនិងការបោះឆ្នោតនៅកម្ពុជា កាលពីពេលថ្មីៗនេះ បានមានប្រសាសន៍ថា ដើម្បីឱ្យសង្គមប្រជាធិបតេយ្យមួយដើរទៅមុខបានទាល់តែមានការចូលរួមពីគ្រប់ភាគីពាក់ព័ន្ធ ជាពិសេស ការចូលរួមពីអ្នកសារព័ត៌មានអាជីព ពីព្រោះអ្នកសារព័ត៌មានជាអ្នកផ្តល់នូវចំណេះដឹង ទៅដល់ប្រជាពលរដ្ឋដែលព័ត៌មានទាំងអស់នោះ នឹងក្លាយជាធាតុចូលសំខាន់ មុននឹងសម្រេចចិត្តក្នុងការបោះឆ្នោតជ្រើសរើសមេដឹកនាំរបស់ខ្លួន។ ចំណែក អ្នកនាង ឥម សុផារិន្ទ អ្នកសារព័ត៌មានមកពីទូរទស្សន៍ជាតិកម្ពុជា តំណាងឱ្យសិក្ខាកាមដែលបានចូលរួមវគ្គបណ្តុះបណ្តាលនេះដែរក៏បានបញ្ជាក់ថា កម្មវិធីបណ្តុះបណ្ដាលអ្នកសារព័ត៌មាននេះប្រៀបដូចជាបង្កើនចំណេះដឹងថ្មីមួយទៀតសម្រាប់អ្នកសារព័ត៌មានមកពីគ្រប់អង្គភាពទាំងអស់កាន់តែខ្លាំងឡើងសម្រាប់សម័យកាលបោះឆ្នោតនៅក្នុងឆ្នាំ ២០២៣ ដើម្បីឱ្យប្រជាពលរដ្ឋងាយស្រួលក្នុងការសម្រេចចិត្តជ្រើសរើសមេដឹកនាំ។ អ្នកនាង បន្ដថា នៅពេលដែលអ្នកសារព័ត៌មាននៅតាមអង្គភាពនីមួយៗខ្លាំង នឹងក្លាយទៅជាអ្នកសារព័ត៌មានអាជីពប្រៀបដូចជាអាវក្រោះការពារខ្លួន។ «ដូច្នេះទី១ នាងខ្ញុំសុំប្ដេជ្ញាតម្កល់ខ្លួនឯង ដើម្បីបម្រើផលប្រយោជន៍ប្រជាពលរដ្ឋជាធំ ទី២ ប្ដេជ្ញាថានឹងធ្វើការងារទៅលើអាជីពសារព័ត៌មាននេះឱ្យកាន់តែមានតម្លាភាពសម្រាប់គណបក្សនយោបាយ គ្រប់ភាគីពាក់ព័ន្ធទាំងអស់ ទី៣ ធ្វើខ្លួនឲ្យក្លាយជាអ្នកសារព័ត៌មានអាជីព ហើយផ្ដល់តម្លៃយ៉ាងសំខាន់ទៅលើក្រសួងព័ត៌មាន ដើម្បីក្រសួងព័ត៌មានមានមោទនភាព ទី៤ គឺធ្វើឱ្យសង្គមកម្ពុជាក្លាយទៅជាសង្គមដែលខ្លាំងសម្បូរដោយអ្នកសារព័ត៌មានអាជីព។ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានមានប្រសាសន៍ថា សារព័ត៌មានបានដើរតួនាទីយ៉ាងសំខាន់ ប្រសិនបើសារព័ត៌មានថាតាមគេ និយាយតាមគេ ឬតាមអ្នកនយោបាយ ឬក៏ប្រទេសមួយមិនមានសារព័ត៌មានទេនោះ គឺមានន័យថា […]

ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានមាន​ប្រសាសន៍​ជាថ្មីម្ដងទៀតថា កត្តាសន្តិភាពបាន ធ្វើឱ្យប្រទេសកម្ពុជាមានការអភិវឌ្ឍជាបន្ត​បន្ទាប់​លើគ្រប់វិស័យ ហើយកត្តាសន្តិភាព និងការអភិវឌ្ឍនេះត្រូវ តែដើរទន្ទឹមគ្នាជា​និច្ច​មិនថាកាលៈទេសៈណានោះឡើយ។ ក្នុងពិធីប្រកាសបើកការដ្ឋានសាងសង់ពង្រីក និងលើកកម្រិតគុណភាពកំណាត់​ផ្លូវ​ជាតិលេខ៧ ពីរង្វង់មូលស្គន់ ទីរួមស្រុកជើងព្រៃ ដល់រង្វង់មូលស្ពានគីហ្សូណា ក្រុងកំពង់​ចាម ដោយមានការអញ្ជើញចូលរួមពី ឯកឧត្តម វ៉ាង វិនធៀន ឯកអគ្គរដ្ឋទូតវិសាមញ្ញ និង​ពេញសមត្ថភាព នៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា នាព្រឹក​ថ្ងៃទី ០៩ ខែមករា ឆ្នាំ២០២៣ សម្ដេចតេជោ ហ៊ុន សែន បានប្រកាសថ្លែងអំណរ​អគុណជា​ថ្មី​ម្តងទៀតចំពោះបងប្អូនប្រជាពលរដ្ឋទាំងអស់ ដែលបានបោះឆ្នោតគាំទ្រគណបក្ស​ប្រជា​ជន​តាំងពីដើមរហូតដល់បច្ចុប្បន្ននេះផងដែរ ខណៈដែលសម្តេចមានវត្តមាននៃការដឹក​នាំ​ប្រទេសដល់សព្វថ្ងៃនេះ គឺកើតចេញពីការគាំទ្ររបស់បងប្អូននៅទូទាំងប្រទេស។ សម្តេច​តេជោនាយករដ្ឋមន្ត្រីក៏រំពឹងផងដែរថា បងប្អូនប្រជាពលរដ្ឋទាំងអស់ នឹងបន្តគាំទ្រសម្តេច និង​គណបក្សប្រជាជនកម្ពុជាឱ្យដឹកនាំប្រទេសតទៅទៀត ដើម្បីសុខសន្តិភាព និងការ​អភិវឌ្ឍ​ប្រទេសឱ្យកាន់តែរីកចម្រើនបន្ថែមទៀតនោះ។ សម្តេចតេជោនាយករដ្ឋមន្ត្រីក៏បានលើកឡើងផងដែរថា សម្តេចនៅតែបន្តដឹកនាំ និង​អភិវឌ្ឍប្រទេសកម្ពុជាតាមជំហ៊ានគីង្គក់ដដែល ដោយមិនធ្វើតាមជំហ៊ានយក្ស ឬមហា​លោតផ្លោះអ្វីនោះទេ។ នេះគឺជាគោលនយោបាយរបស់គណបក្សប្រជាជនកម្ពុជា។ ជា​មួយ​គ្នានេះ សម្ដេច​តេជោបានមានប្រសាសន៍ថ្លែងអំណរគុណចំពោះរដ្ឋាភិបាល និងប្រជា​ជននៃសាធារណរដ្ឋប្រជាមានិតចិន ដែលបានផ្ដល់នូវហិរញ្ញប្បទានសម្រាប់ការកសាង​ហេដ្ឋារចនា​សម្ព័ននៅកម្ពុជា និងបានចូលរួមចំណែកយ៉ាងធំជាមួយ​និងការអភិវឌ្ឍរបស់​ព្រះរាជាណាចក្រកម្ពុជា។ សម្ដេចតេជោពិតជាមានការរីករាយដែលបានក្លាយជាដៃគូយុទ្ធសាស្ត្រគ្រប់ជ្រុងជ្រោយ រវាងកម្ពុជា-ចិន ដែលឆ្នាំនេះគឺជាឆ្នាំមិត្តភាព […]