ព័ត៌មានជាតិ

សម្តេចអគ្គមហាពញាចក្រី ហេង សំរិន ចាត់ទុកដំណើរទស្សនកិច្ចរបស់នាយករដ្ឋមន្រ្តី ម៉ាឡេស៊ី នឹងធ្វើឱ្យចំណងមិត្តភាពកម្ពុជា-ម៉ាឡេស៊ី ដែលមានជាង៦០ឆ្នាំមកនេះ កាន់តែរឹង មាំថែមទៀត។ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា បានទទួលជួបសវនាការជាមួយ ឯកឧត្តម ដាតុ ស៊េរី អាន់វ៉ា ប៊ីន អ៊ីប្រាហ៊ីម (Dato’ Seri Anwar bin Ibrahim) នាយករដ្ឋមន្ត្រី នៃប្រទេសម៉ាឡេស៊ី នារសៀលថ្ងៃចន្ទ ទី២៧ ខែមីនា ឆ្នាំ២០២៣នេះ នៅវិមានរដ្ឋសភា ខណៈដែលឯកឧត្តមបានដឹកនាំគណៈប្រតិភូជាន់ខ្ពស់ បំពេញទស្សនកិច្ចផ្លូវការមិត្តភាពនៅកម្ពុជា។ ក្នុងនាមរដ្ឋសភាកម្ពុជា សម្តេច មានសេចក្តីសោមនស្សរីករាយ និងបានស្វាគមន៍យ៉ាង កក់ក្ដៅចំពោះ ឯកឧត្តមនាយករដ្ឋមន្រ្តី និងគណៈប្រតិភូទំាងអស់។ សម្តេចប្រធានរដ្ឋសភា បានមានប្រសាសន៍ថា ដំណើរទស្សនកិច្ចផ្លូវការរបស់ ឯកឧត្តមនាយករដ្ឋមន្រ្តីនាពេលនេះ នឹងរួមចំណែកបន្ថែមទៀត ក្នុងការពូនជ្រំលើកកម្ពស់ទំនាក់ទំនង មិត្តភាព និងកិច្ចសហ ប្រតិបត្តិការដ៏ល្អ រវាងប្រជាជាតិទាំងពីរ ដែលមានជាង៦ទសវត្សមកនេះឱ្យកាន់តែរឹងមាំ ខ្លាំងក្លាថែមទៀត។ ឯកឧត្តម ដាតុ […]

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានចាត់ទុកសេចក្ដីព្រាងច្បាប់ស្តីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្មនេះ មានទំនាក់ទំនងយ៉ាងជិតស្និត ទៅនឹងការរស់នៅប្រចាំថ្ងៃរបស់ប្រជាពលរដ្ឋ។ ក្នុងឱកាសដឹកនាំកិច្ចប្រជុំឣន្តរក្រសួង ដើម្បីពិនិត្យ ឆ្លងសេចក្តីព្រាងច្បាប់ស្តីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នាព្រឹកថ្ងៃទី២៧ ខែមីនា ឆ្នាំ២០២៣ សម្ដេចក្រឡាហោម ស ខេង បានថ្លែងថា៖ សេចក្ដីព្រាងច្បាប់ស្តីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្មនេះ មានទំនាក់ទំនងយ៉ាងជិតស្និទ្ធទៅនឹងការរស់នៅប្រចាំថ្ងៃរបស់ប្រជាពលរដ្ឋ ដូចជា លិខិតស្នាមនានា ត្រូវធ្វើឡើងដើម្បីបង្រួម និងសង្ខេបព័ត៌មានអំពីការកើត ទិន្នន័យអត្តសញ្ញាណបុគ្គល បណ្តុំទិន្នន័យជីវមាត្រ អាពាហ៍ពិពាហ៍ សុខាភិបាល និងលិខិតបញ្ជាក់មរណភាពជាដើម។ សម្ដេចក្រឡាហោមបន្ដថា កន្លងមកទាក់ទងនឹងបទបញ្ញាតិ្ត នៃការចុះបញ្ជីស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ដែលបាននឹងកំពុងប្រើប្រាស់នាពេលបច្ចុប្បន្ននេះ នៅមានភាពរប៉ាត់រប៉ាយ ដែលបង្ករការលំបាកក្នុងការទទួលបានព័ត៌មានជាក់លាក់ ច្បាស់លាស់ និងមិនទាន់មានភាពគ្រប់គ្រាន់ ដែលពុំទាន់ឆ្លើយតបទៅនឹងសភាពការណ៍នាពេលបច្ចុប្បន្ន។ សម្តេចក្រឡាហោមបានបន្ថែមថា ដោយមើលឃើញពីការរីកចម្រើន និងតម្រូវការចាំបាច់នេះ ក្រសួងមហាផ្ទៃ ដែលជាសេនាធិការរបស់រាជរដ្ឋាភិបាល បានបង្កើតក្រុមការងារអន្តរក្រសួងដើម្បីរៀបចំសេចក្តីព្រាងច្បាប់ស្តីពីអត្រានុកូលដ្ឋាន […]

ជាមួយនឹងការប្រកាសដាក់ខេត្តចំនួន៤ រួមមាន ខេត្តពោធិ៍សាត់ បាត់ដំបង បន្ទាយមានជ័យ និងប៉ៃលិន ជាប៉ូលសេដ្ឋកិច្ចទី៤នៅភាគពាព្យ័យ ដោយផ្សាភ្ជាប់នឹងច្រកមច្ឆា និងអង្ករ ដើម្បីកៀរគរវិនិយោគ ក្នុងនិងក្រៅប្រទេស មកចូលរួមជំរុញផលិតកម្ម ការកែច្នៃ និងការនាំចេញ កសិផល វារីវប្បកម្ម និងបសុសត្វ ទៅកាន់ទីផ្សារចិន និងអន្តរជាតិនោះ ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានគូសបញ្ជាក់ថា កម្ពុជានឹងអាចបង្កើតប៉ូលសេដ្ឋកិច្ចទី៥ នៅខេត្តភូមិភាគឦសាន លើផ្នែកកសិ-ឧស្សាហកម្ម។ សម្ដេចតេជោបានថ្លែងដូច្នេះ ក្នុងពិធីបិទសន្និបាតបូកសរុបកាងារ កសិកម្ម រុក្ខាប្រមាញ់ និងនេសាទ ឆ្នាំ២០២២ និងលើកទិសដៅ ឆ្នាំ២០២៣ នារសៀលថ្ងៃទី ២៤ ខែមីនា ឆ្នាំ២០២៤ នៅទីស្ដីការក្រសួងកសិកម្ម។ សម្ដេចតេជោនាយករដ្ឋមន្ត្រី ក៏បានដាក់ចេញនូវអនុសាសន៍ចំនួន ៦ចំណុច ជូនដល់ថ្នាក់ដឹកនាំ និងមន្ត្រីគ្រប់លំដាប់ថ្នាក់នៃក្រសួងកសិកម្មរុក្ខាប្រមាញ់ និងនេសាទ និងក្រសួងស្ថាប័នពាក់ព័ន្ធ រួមទាំងរដ្ឋបាលថ្នាក់ក្រោមជាតិ យកទៅអនុវត្តន៍ឱ្យទទួលបានប្រសិទ្ធភាពខ្ពស់ ក្នុងនោះរួមមាន ទី១. ត្រូវបន្តជំរុញការអភិវឌ្ឍវិស័យកសិកម្មប្រកបដោយ បរិយាប័ន្ន និងចីរភាព ព្រមទាំងធន់នឹងការប្រែប្រួលអាកាសធាតុ។ […]

រដ្ឋមន្ត្រីក្រសួងព័ត៌មាន ថ្លែងថា បន្លែនិងផ្លែឈើសុវត្ថិភាពគឺជាទីផ្សារថ្មីដែលកំពុងមានការរីកចម្រើន ខណៈប្រជាពលរដ្ឋចាប់ផ្ដើមយល់ដឹងច្រើនពីអត្ថប្រយោជន៍នៃការបរិភោគបន្លែនិងផ្លែឈើ ដែលមិនប្រើប្រាស់សារធាតុគីមី ។ ការថ្លែងបែបនេះរបស់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌ មាន បានធ្វើឡើងក្នុងឱកាសអនុញ្ញាតឱ្យ លោក គឹម ចាន់ពិសិដ្ឋ និងលោកស្រី មុយ វល័ក្ខ ម្ចាស់ ហាងពិភពបន្លែផ្លែឈើធម្មជាតិខេត្តមណ្ឌលគិរី ចូលជួបសំដែងការគួរសម នៅថ្ងៃទី២៤ ខែមីនា ឆ្នាំ២០២៣នេះ ។ ជាកិច្ចចាប់ផ្តើម លោកស្រី មុយ វល័ក្ខ បានលើកឡើងពីការដាំដុះដំណាំបន្លែនិងផ្លែឈើ នៅក្នុងកសិដ្ឋានរបស់លោកស្រី ដោយមានការប្រើប្រាស់នូវបច្ចេកទេស និងជីធម្មជាតិសុទ្ធសាធ ដែលធ្វើឱ្យបន្លែនិងផ្លែឈើទាំងអស់មានសុវត្ថិភាពនិងមានរសជាតិឆ្ងាញ់ ។ ក្នុងនោះ លោកស្រីបានបន្ថែមថា កសិដ្ឋានរបស់លោកស្រីមិនមែនផ្ដោតទៅលើត្រឹមតែបន្លែផ្លែឈើសុវត្ថិភាពប៉ុណ្ណោះទេ ក៏បានរួមចំណែកផ្តល់ឱកាសការងារទៅដល់ប្រជាពលរដ្ឋនៅក្នុងមូលដ្ឋាន ដោយមិនចាំបាច់ចំណាកស្រុកថែមផងដែរ ។ ក្នុងឱកាសនោះ ឯកឧត្តមរដ្ឋមន្ត្រី ក៏បានជំរុញឱ្យមានការដាំដុះបន្លែនិងផ្លែឈើសុវត្ថិភាពឱ្យបានច្រើន មុខថែមទៀត ដើម្បីបំពេញតម្រូវការទីផ្សារ កាត់បន្ថយការនាំចូល ជាពិសេសដាំដុះដោយប្រើប្រាស់ផ្ទះសំណាញ់ ដើម្បីឱ្យស្របតាមស្តង់ ដារគុណភាពនិងសុវត្ថិភាព លើក កម្ពស់ប្រសិទ្ធភាពសេដ្ឋកិច្ច ជំរុញខ្សែច្រវាក់តម្លៃឱ្យមានវិសាលភាពកាន់តែទូលំទូលាយ ឆ្លើយតបទៅ នឹងបម្រែបម្រួលអាកាសធាតុ […]

សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្ដីក្រសួងមហាផ្ទៃបានជំរុញឱ្យសមត្ថកិច្ចបន្តពង្រឹងការអនុវត្តវិធានការរដ្ឋបាលស្របតាមច្បាប់ឱ្យបានជាប់ជាប្រចាំ ដោយត្រូវបន្តធ្វើការតាមដាន ស្រាវជ្រាវស៊ើបអង្កេត នៅតាមភូមិសាស្រ្ត ដែលមានតម្រុយ និងសង្ស័យពាក់ព័ន្ធ ដល់ការលួចលាក់រក្សាទុក សារធាតុគីមីផ្សំ ឬការកែច្នៃផលិត សារធាតុញៀន ដោយខុសច្បាប់ ដើម្បីចាត់វិធានការបង្រ្កាបឱ្យបានទាន់ពេលវេលា។ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈបញ្ជាការដឹកនាំយុទ្ធនាការប្រយុទ្ធប្រឆាំងគ្រឿងញៀនខុសច្បាប់ បានថ្លែងក្នុងកិច្ចប្រជុំបូកសរុបលទ្ធផលការអនុវត្តផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៧ និងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៨ នៅសណ្ឋាគារសុខាភ្នំពេញនា ព្រឹកថ្ងៃទី២២ ខែមីនា ឆ្នាំ២០២៣។ សម្ដេចក្រឡាហោម ស ខេង បានណែនាំឱ្យបន្តខិតខំប្រឹងប្រែងចាត់វិធានការបង្ការ ទប់ស្កាត់ និងបង្រ្កាបឱ្យកាន់តែក្តៅគគុក និងហ្មត់ចត់ថែមទៀតរាល់ សកម្មភាពនៃការ លួចធ្វើចរាចរ ដឹកជញ្ជូន នាំចូលសារធាតុញៀនគ្រប់ប្រភេទ ពីក្រៅប្រទេស ឆ្លងកាត់ព្រំដែន ទាំងតាមផ្លូវគោក ផ្លូវទឹក ផ្លូវអាកាស និងតាមកញ្ចប់បញ្ញើប្រៃសណីយ៍។ សម្ដេចក្រឡាហោមក៏បានជំរុញឱ្យអាជ្ញាធរជាតិប្រយុទ្ធប្រឆាំងគ្រឿងញៀន ត្រូវសហការជាមួយក្រសួង ស្ថាប័នពាក់ព័ន្ធ ធ្វើការត្រួតពិនិត្យ ធ្វើបច្ចុប្បន្នភាព សារធាតុគីមីថ្មីៗមួយចំនួន ដែលអាចយ កទៅកែច្នៃ ផលិតជាសារធាតុញៀន ដើម្បីស្នើសុំបញ្ជូលក្នុងតារាង […]

សម្តេចតេជោ ហ៊ុន សែន ៖ ក្នុងនាមរាជរដ្ឋាភិបាលនៃព្រះរាជាណាចក្រកម្ពុជា ខ្ញុំ និងភរិយា​ សូមអបអរសាទរ និងសូមជូននូវពរជ័យ សិរីសួស្ដី សុភមង្គល ជូនដល់បងប្អូនសាសនិកខ្មែរឥស្លាមកម្ពុជានៅក្នុង និងក្រៅប្រទេស រួមទាំងបងប្អូនសាសនិកឥស្លាមនៅទូទាំងពិភពលោកផងដែរ ដែលនឹងចូលបួសខែរ៉ាម៉ាឌន ដែលនៅកម្ពុជា​យើងនឹងចាប់ផ្ដើមនៅ ថ្ងៃព្រហស្បតិ​ ទី១​ ខែរ៉ម៉ាឌន ឆ្នាំ ១៤៤៤ មូហាំម៉ាត់សករាជ ត្រូវនឹងថ្ងៃ​ ២ កើត ខែចេត្រ ឆ្នាំខាល​ ចត្វាស័ក ព.ស.២៥៦៦​ ត្រូវនឹងថ្ងៃទី ២៣​ ខែមីនា ឆ្នាំ២០២៣។ ខ្ញុំសូមផ្ញើជូននូវក្តីនឹករលឹក និងអរគុណយ៉ាងជ្រាលជ្រៅបំផុតចំពោះបងប្អូនខ្មែរឥស្លាមកម្ពុជា ដែលបានចូលរួមថែរក្សា សុខសន្តិភាព​ សុខដុមនីយកម្មជាតិសាសន៍និងសាសនា ហើយមានជំនឿជឿជាក់លើការដឹកនាំរបស់ខ្ញុំ និងគណបក្សប្រជាជនកម្ពុជា តាំងពីដើមតរៀងមក រួមជាមួយនឹងប្រជាជនកម្ពុជាយើង។ ជាមួយគ្នានេះដែរ បន្ទាប់ពីបានខកខានរយៈពេល៣ឆ្នាំកន្លងមកដោយសារជំងឺកូវីដ-១៩​ ឆ្នាំនេះ​រាជរដ្ឋាភិបាល​នឹងរៀបចំឡើងវិញ​ នូវពិធីជួបជុំពិសាអាហារស្រាយបួសខែរ៉ាម៉ាឌន​ របស់សាសនិកឥស្លាមកម្ពុជា​ ថ្នាក់ជាតិលើកទី៧​ ឆ្នាំ២០២៣​ ដែលមានការរៀបចំអ្នកចូលរួមប្រមាណជាង៦១០០នាក់។ ឆ្នាំនេះក៏មានមិត្តភក្ដិបរទេសបានមកចូលរួមក្នុងនិងក្រៅប្រទេសប្រមាណជាង ៥០០ នាក់ ពិសេស ឯកឧត្ដម […]

បន្ទាប់ពីការផ្សព្វផ្សាយរបស់សារព័ត៌មាន The Cambodia Daily ដែលចោទប្រកាន់ថា ឯកឧត្តម ហ៊ុន ម៉ាណែត ជាមេខ្លោងបណ្តាញរកស៊ីឈើខុសច្បាប់កាលពីពេលថ្មីៗនេះ ឯកឧត្តម ហ៊ុន ម៉ាណែត ក៏បានឆ្លើយតប ដោយទាមទារឱ្យសារព័ត៌មាននេះបង្ហាញភ័ស្តុតាង បើមិនដូច្នេះទេ ត្រូវកែសម្រួលជាបន្ទាន់។ ពាក់ព័ន្ធនឹងករណីនេះ ឯកឧត្តម មាស សុភ័ណ្ឌ អ្នកនាំពាក្យក្រសួងព័ត៌មាន ក្នុងនាមក្រសួងព័ត៌មាន បានសម្តែងនូវការគាំទ្រចំពោះប្រសាសន៍ ឯកឧត្តមនាយឧត្តមសេនីយ៍ ហ៊ុន ម៉ាណែត ដែលបានទាមទារឱ្យសារព័ត៌មាន The Cambodia Daily នេះ បង្ហាញនូវភ័ស្តុតាង ជាអំណះអំណាងចំពោះការផ្សាយរបស់ខ្លួន។ ឯកឧត្តម មាស សុភ័ណ្ឌ បានបន្ថែមថា សម្រាប់ក្រសួងព័ត៌មាន សារព័ត៌មាន The Cambodia Daily មិនមែនជាសារព័ត៌មាន ដែលបានបំពេញតួនាទីភារកិច្ច ដោយមានវិជ្ជាជីវៈ និងគោរពក្រមសីលធម៌វិជ្ជាជីវៈសារព័ត៌មាននោះទេ។ សារព័ត៌មានមួយនេះគ្រាន់តែជាឧបករណ៍ឃោសនាដែលបម្រើឱ្យផលប្រយោជន៍ ក្រុមអមត្តិ ឬក្រុមអគតិ ចំពោះសន្តិភាព និងការអភិវឌ្ឍរបស់ប្រទេសកម្ពុជា ក្រោមការដឹកនាំប្រកបដោយគតិបណ្ឌិត របស់សម្តេចតេជោនាយករដ្ឋមន្ត្រី នៃព្រះរាជាណាចក្រកម្ពុជា តែប៉ុណ្ណោះ។ […]

ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ អញ្ជើញដឹកនាំកិច្ចប្រជុំត្រៀមរៀបចំសង្ក្រានវត្តភ្នំ ដើម្បីចូលរួមអបអរសាទរ ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំ២០២៣ នៅរាជធានីភ្នំពេញ នារសៀលថ្ងៃទី២០ ខែមីនា ឆ្នាំ២០២៣។

នៅព្រឹកថ្ងៃទី២០ ខែមីនា ឆ្នាំ២០២៣ នៅទីបញ្ជាការតំបន់ប្រតិបត្តិការសឹករងកំពង់ធំ ស្ថិតនៅភូមិថ្នល់បែក  ឃុំត្រពាំងឬស្សី ស្រុកកំពង់ស្វាយ  ខេត្តកំពង់ធំ បានរៀបចំពិធីបំពាក់គ្រឿងឥស្សរិយយសការងារថ្នាក់សំរឹទ្ធ របស់រាជរដ្ឋាភិ បាលកម្ពុជា ជូនយោធិនចំនួន៩៦រូបថ្មីទៀត ដែលមានស្នាដៃល្អក្នុងការបំពេញភារកិច្ចបម្រើជាតិមាតុភូមិនាពេលកន្លងមក  ដែលពិធីនេះប្រព្រឹត្តទៅស្ថិតក្រោមអធិបតីភាពឧត្តមសេនីយ៍ទោ សោម ស៊ុន មេបបញ្ជាការតំបន់ប្រតិបត្តិការសឹករងកំពង់ធំ។ លោកវរសេនីយ៍ទោ នូ វុទ្ធា នាយការិយាល័យទី១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានឡើងអានអនុក្រឹត្យរបស់រាជរដ្ឋាភិបាល នៃព្រះរាជាណាចក្រកម្ពុជា ស្ដីពី ការប្រគល់គ្រឿងឥស្សរ៍យយសការងារថ្នាក់សំរឹទ្ធ ជូននាយទាហាន នាយទាហានរងនិងពលទាហានចំនួន៩៦នាក់ របស់បញ្ជាការដ្ឋានតំបន់ប្រតិបត្តិការសឹករងកំពង់ធំ ដែលមានស្នាដៃល្អក្នុងការបំពេញភារកិច្ចបម្រើជាតិមាតុភូមិនាពេលកន្លងមក។ នៅក្នុងពិធីនេះដែរ ឧត្តមសេនីយ៍ទោ សោម ស៊ុន បានឡើងបំពាក់គ្រឿងឥស្សរិយយសការងារថ្នាក់សំរឹទ្ធ និងប្រគល់ប្រកាសនីយបត្រជូនដល់យោធិនទាំង ៩៦រូប ដែលមានកិត្តិយសទទួលបានគ្រឿងឥស្សរិយយសពីរាជរដ្ឋាភិ បាលកម្ពុជានៅពេលនេះ។ ឧត្តមសេនីយ៍ទោ សោម ស៊ុន បានសូមគោរពថ្លែងអំណរគុណដ៏ជ្រាលជ្រៅជាទីបំផុត ចំពោះសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈថ្នាក់ដឹកនាំគ្រប់លំដាប់ថ្នាក់នៃកងយោធពលខេមរភូមិន្ទ ដែលបានសម្រេចផ្ដល់ជូនគ្រឿងឥស្សរិយយសការងារថ្នាក់សំរឹទ្ធ ជូនដល់នាយទាហាន នាយទាហានរងនិងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ។ ឧត្តមសេនីយ៍ទោ […]

នៅថ្ងៃអាទិត្យ ១៣រោច ខែផល្គុន ឆ្នាំខាល ចត្វាស័កព.ស.២៥៦៦ ត្រូវនឹងថ្ងៃទី១៩ ខែមីនា ឆ្នាំ២០២៣ ឯកឧត្តមបណ្ឌិតហ៊ុន ម៉ាណែត តំណាងដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្នមន្រ្តីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជាអធិបតីក្នុងពិធីសម្ពោធឧបដ្ឋានសាលា និងសមិទ្ធផលនានានៅវត្តសុវណ្ណគិរី ហៅវត្តជៀស ស្ថិតនៅភូមិជៀសទី២ ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ។